Афсонавий Формула-1 пойгачиси қуролли талончилик қурбонига айланди

Формула-1нинг тўрт карра жаҳон чемпиони Ален Прост ва унинг оиласи Женева кўли соҳилидаги уйида қуролли талончилик қурбонига айланди, деб хабар бермоқда Blick нашри.

Манбага кўра, сешанба куни эрталаб маҳаллий вақт билан соат 8:30 атрофида ниқобли одамлар уйга кириб, зўравонлик билан таҳдид қилиб, Простнинг ўғилларидан бирини оилавий сейфни очишга мажбур қилган. Француз бошидан енгил жароҳат олган. Тахминларга кўра, босқинчиларнинг мақсади қимматбаҳо соатлар коллекцияси бўлган.

Маълум қилинишича, босқинчилар ҳали ҳам озодликда, полиция жиноятчиларни топишга ёрдам берадиган изларни топа олмади. Улар Франция билан чегарани кесиб ўтган бўлиши мумкинлиги гумон қилинмоқда, бу борада Франция ҳукумати иштирок этмоқда.

Шу билан бирга, прокуратура жабрланган оила Прост оиласи эканлигини ҳали тасдиқламади ва рад этмади, аммо жиноий иш қўзғатилди.

2025 йилда биргина Женева минтақасида 18 та шунга ўхшаш ҳолат қайд этилган - уюшган гуруҳлар қимматбаҳо соатларни ўғирлаш мақсадида қуролли ҳужумлар уюштирган.