Афсус! Нурмагомедов комадан чиқолмаяпти

UFC чемпиони Хабиб Нурмагомедов ва унинг оиласи оғир аҳволга тушиб қолди. Унинг отаси ва устози Абдулманап Нурмагомедов Москвадаги шифохоналарнинг бирида комада ҳаёт учун жон талашмоқда. Бу ҳақда жанг санъатлари устаси Ислом Махачев хабар берди.

- Мен Хабиб билан ҳар куни гаплашиб турибман. У отасининг аҳволи оғир эканини айтяпти, - деди Ислом Махачев.

57 ёшли Абдулманап Нурмагомедов 25 апрель куни икки томонлама пневмония ташхиси билан касалхонага тушган эди. Май ойи бошларида Доғистонда унга қўлланилган даволаш чораларида хатога йўл қўйилгани боис, аҳволи оғирлашиб, комага тушганди. Кейин махсус рейс билан уни Москвага олиб келишди.

Маълумотларга қараганда, беморнинг олдига ҳеч ким киритилмаяпти.

Матнда хатолик топсангиз, ўша хатони белгилаб, бизга жўнатинг (Ctrl + Enter)