Афзал Юнусов IBAнинг Ўзбекистондаги расмий вакили этиб тайинланди!

Хабарингиз бор, куни кеча Дубай шаҳрида IBA навбатдаги турнирини ўтказди ва унда Шаҳобиддин Зоиров ҳам рингга кўтарилганди. Шунингдек, кўплаб боксчиларимиз ва бошқа вакилларимиз ҳам ушбу жанг кечасига ташриф буюришди. Маълумки, блогер Эрали Бойқобилов IBAнинг амбассадори яъни юзи ҳисобланади. Ушбу кечада яна бир эътиборли воқелик юз берди. Ҳамюртимиз Афзал Юнусов IBAнинг Ўзбекистондаги ишларини ривожлантириш бўйича расмий вакили этиб, тайинланди. Биз ушбу масъулиятли вазифа билан юртдошимизни табриклаган ҳолда унинг фикрлари ва мақсадлари билан қизиқдик.
 
- Албатта, бизга шундай масъулиятли вазифа Умар Кремлёв томонидан ишониб топширилди. Албатта, қўлдан келганча ҳаракат қиламиз. IBAнинг Ўзбекистондаги вакили сифатидаги вазифаларимиз асосан спорт товарлари билан имконияти йўқ бўлган залларни таъминлаш ва уларга беғараз ёрдам беришдан иборат. Шунингдек, чекка-чекка қишлоқлардаги шароити йўқ иқтидорли ёшларни ҳам қўллаб-қувватлашни мақсад қилганмиз. Умуман олганда юртимизда янада боксни ривожлантиришга кичик бўлса ҳам хиссамизни қўшмоқчимиз.