Агар “Манчестер Сити” футболчисини сотса, “Реал” ва “Бавария” курашишга тайёр

“Манчестер Сити” Фил Фоден бўйича таклифларни кўриб чиқмоқчи бўлса, “Реал Мадрид” ва “Бавария” сотиб олиш учун асосий даъвогар ҳисобланади. 
 
“El Nacional” нашрининг маълумотига кўра, “шаҳарликлар” ёзги трансферлар ойнасида англиялик ҳужумчини сотиб юбормоқчи бўлса, ҳозирги кунда Мадриднинг “Реал” ва Германиянинг “Бавария” клублари футболчини жамоага жалб қилиши мумкин. Манбага кўра, икки клуб ҳам вингер учун 120 миллион тўлаши эҳтимоли бор. 
 
Фоденнинг “Сити” билан амалдаги шартномаси 2027 йилгача мўлжалланган бўлиб, Тransfermarkt порталидаги нархи 140 миллион евро деб баҳоланмоқда. 
 
Маълумот ўрнида, 24 ёшли ўйинчи жорий мавсум манчестерликлар сафида 32 та беллашувда иштирок этиб, 10 та гол ва 5 та голли узатмага муаллифлик қилган.