Агар Месси Роналдудек меҳнат қилганида “Олтин тўп”ни 15 марта оларди
“Манчестер Юнайтед” ва Франция терма жамоасининг собиқ футболчиси Патрис Эвра собиқ жамоадоши Криштиану Роналдуни ПСЖ ҳужумчиси Лионель Месси билан солиштирди.
Патрис Эвра бу икки буюк футболчидан Криштиану Роналдуни танлашини билдирди. Унга португалиялик юлдузнинг меҳнаткашлиги маъқул келганини айтди.
- Худо Мессига истеъдод бериб қўйган, Роналду эса бунга эришиш учун анча меҳнат қилишига тўғри келади. Агар Месси ҳам Роналдудек меҳнат қилганида ҳозиргача 15 та “Олтин тўп”ни қўлга киритган бўларди, - деди Патрис Эвра.
Месси мавсумнинг энг зўр футболчисига бериладиган “Олтин тўп” соврини етти марта қўлга киритган. Роналду ҳисобида бу совриндан бештаси бор.
Фикрлар