Акмал Мозговой Ўзбекистонга қайтадими?

БААнинг "Банияс" клубида ҳаракат қилаётган Акмал Мозговой Суперлигага қайтиши мумкинлиги ҳақида миш-мишлар чиққан эди.  Маълумотларга кўра, Мозговойга "Андижон" қизиқиш билдирмоқда. 

Аммо "Sports uz" сайти журналисти Ойбек Йулдошевнинг хабар беришича, "Андижон" футболчи билан алоқага чиққани йўқ. Акмал ҳозирда Ўзбекистонга қайтиш ҳақида ўйламаяпди. Унинг асосий мақсади кўпроқ ўйин амалиётига эга бўлиб, жамоанинг етакчисига айланиш. 

Маълумот учун, 26 ёшли яримҳимоячининг клуб билан тузган амалдаги шартномаси 2027 йилнинг ёзигача амал қилади ва унинг Transfermarkt порталидаги нархи 1.3 миллион еврони ташкил қилади.