Aleks Pereyrani mag‘lub etgan jangchi UFC bilan shartnoma imzoladi

Yarim og‘ir vazn chempioni Aleks Pereyra, uni kikboksingda mag‘lub etgan jangchini UFC ga olib kirdi. "Poatan" promoushen rahbari Dana Uaytni rossiyalik  kikbokschi Artyom Vaxitov bilan shartnoma imzolashga ko‘ndirdi. Bu haqda "MMA Fighting' portali ma’lum qildi.

Xabarlarga ko‘ra, Uayt rossiyalikning o‘yinidan to‘liq qoniqmagan, ammo Pereyra Dananing qaroriga ta’sir ko‘rsata olgan. 

Eslatib o‘tamiz, 9 oktabr kuni Las-Vegasda Vaxitov "Dana White Challenger" turkumiga kiruvchi turnirda ishtirok etib, birinchi raunddayoq muddatidan avval g‘alaba qozondi.