Алекс Перейранинг кейинги рақиби ким?

Ярим оғир вазн тоифасида (93 кг) UFC рейтингининг биринчи рақамли жангчиси, россиялик Магомед Анкалаев чемпионлик камари учун даъвогар эканини яна бир бор таъкидлади.

“Дана Уайт жамоамга Алекснинг навбатдаги рақиби мен эканимни айтди. Буни ҳал қилганингиз учун раҳмат”, — деб ёзди Анқалаев Х  (собиқ Twitter) ижтимоий тармоғида.

Эслатиб ўтамиз, "UFC 308" турнирида бўлиб ўтган сўнгги жангида Анкалаев австриялик Александр Ракични ҳакамларнинг якдил қарори билан мағлуб этди. Перейра эса "UFC 307" турнирининг тўртинчи раундида америкалик Халил Роунтрини техник нокаут билан енганди.