Aлександр Решетников энг кучли триатлончилар билан баҳслашди
Ads

Швейцариянинг Лозанна шаҳрида триатлон бўйича жаҳон триатлон сериясининг "Grand Final" мусобақаси бўлиб ўтди. Унда 4000 дан ортиқ профессионал ва ҳаваскорлар спортчилар иштирок этди.

Мусобақада ҳамюртимиз Aлександр Решетников ўсмирлар ўртасидаги мусобақаларда қатнашди. Жаҳон миқёсидаги триатлетлар билан ўтган баҳсда у МДҲ мамлакатлари орасида Россия ва Украинадан келган спортчиларидан кейин 4 - ўринни, Осиё триатлончилари ўртасида 5 - ўринни (Япония ва Гонконг спортчиларидан кейин), дунёнинг барча ўсмирлари орасида 54-ўринни эгаллади.

Маълумот учун, триатлон бўйича жаҳон серияси – бу ҳар йиллик бир неча босқичда бўлиб ўтадиган мусобақадир. Элита тоифасидаги ғолиблар жаҳон чемпионларига айланадилар ва мусобақанинг мукофот жамғармаси деярли 2 миллион АҚШ долларни ташкил қилади.

Жаҳон сериясининг босқичларида мусобақалар икки турдаги масофада ўтказилади: Олимпия масофаси (1500 метрга сузиш, 40 км велосипед пойгаси, 10 км югуриш) ва спринт (750 метр сузиш , 20 км велосипедда, 5 км югуриш).

Триатлон бўйича Жаҳон сериясининг "Grand Final" мусобақаси –  бу энг нуфузли босқич бўлиб, унда ғалаба учун спортчиларга энг кўп очко тақдим этади. Унда триатлон бўйича жаҳон чемпионларининг номлари аниқ бўлади.

photo_2019-09-03_11-18-04

photo_2019-09-03_11-18-03