Алишер Никимбаев:Қосим Сулаймонийнинг ҳайкалини ўрнатган аҳмоқ қилган иши ортидан қандай катта муаммолар пайдо бўлишини тасаввур ҳам қилмаган бўлса керак.

Таниқли футбол мутахассиси Алишер Никимбаев “Сепахон” – “Ал Иттиҳод” баҳсидаги вазиятга муносабат билдирди. Унга кўра, бу ҳайкални (бюсти) стадионга олиб келган шахс қандай улкан хато қилганини англаб етмаган.

“Нақш Жаҳон” аренасига ўлдирилган генерал Қосим Сулаймонийнинг ҳайкалини ўрнатган аҳмоқ қилган иши ортидан қандай катта муаммолар пайдо бўлишини тасаввур ҳам қилмаган бўлса керак.

Гап, ўзи севган жамоа футболчилари билан биргаликда Бензема бошчилигидаги юлдузлар жамоаси ўйинидан қуруқ қолган 60 минг мухлис ҳақида бормаяпти. Бу қайсар аҳмоқ барча Саудия клубларини Эрондаги ўйинларни шубҳа остида қолдирди. 7 йил давомида бу ўйинлар икки мамлакатда ҳам ташкил этилгани йўқ. Доим нейтрал майдонда ўтган ўйинлар фақат бу йилга келиб уй-меҳмон тизимида ўтказилишига рухсат берилган эди. Ваҳоланки, икки ҳафта илгари Теҳронда “Персеполис” – “Ан Наср” баҳси муамоллар билан бўлсада, ўтказилган. Муаммо ҳам мухлисларни Роналдуни кўриш илинжида меҳмони эшиги олдида тўпланиб олгани ва натижада саудияликлар машғулот ўтказишга кеч қолгани билан боғлиқ.

Исфахондаги жанжал нафақат “Сепахон”га, балки барча Эрон клубларига қимматга тушиши мумкин”.

Аслида, баҳс бошлангунига қадар ҳеч қандай муаммо юзага келгани йўқ. Барчаси ўйинга шай ҳолатда эди, аммо Генерал Қосим Сулаймонийнинг ҳайкалини стадионда пайдо бўлишидан бошланди. Саудиялик футболчилар “Сепахон” стадионига ўрнатилган генерал Сулаймонийнинг бюсти сабаб майдонга чиқишдан бош тортишган.

Ўйинни жонли томоша қилиш мақсадида аренага ташриф буюрган 60 минг мухлис "Биз сиёсатни спортга аралашишини истамаймиз" қабилидаги сўзларни баралла айтиб турган бир пайтда, “Ал Иттиҳод" стадионни тарк этгани айтилмоқда.

ОФК бу воқеа борасида ҳали якуний хулосасини эълон қилгани йўқ. Воқеалар ривожини кузатишда давом этамиз.