Алиссон жароҳат олди

Бразилия терма жамоаси ва "Ливерпуль" дарвозабони Алиссон жароҳат олди. Бу ҳақда футболчининг ўзи ижтимоий тармоқлар орқали хабар берди.

"Афсуски, бир муддат сафдан чиқдим. Янада кучлироқ бўлиш учун аллақачон астойдил ҳаракат қиляпман! Қўллаб-қувватлаганингиз учун ташаккур!", - деб ёзди Алиссон.

"Ливерпуль" шанба куни сафарда "Брайтон" билан ўйнайди. Бразилия терма жамоаси аллақачон Алиссоннинг ўрнини бошқа дарвозабон Уго Соуза билан тўлдирди.