Алькантара: "Клоппда энергия, Гвардиолада назорат бор"

"Ливерпуль", "Бавария" ва "Барселона"нинг собиқ футболчиси Тьяго Алькантара мураббийлар Юрген Клопп ва Пеп Гвардиола билан ишлаш тажрибаси ҳақида сўзлаб берди.

"Юрген даврида асосий урғу энергияга, Пеп даврида эса назоратга бериларди. Жарима майдончасига етиб боргунча қоидаларга риоя қилинарди, шундан сўнг эса эркинлик бериларди. 

Клопп билан эса ҳаммаси бутунлай бошқача: "Тартибсизлик ичида ўзимни қулай ҳис қилишни истайман". Бизда жисмонан бақувват жамоа бор эди, биз олдинга, ҳужумга, вертикал узатмалар билан ўйнашни, жамоа имкон қадар ғайратли ҳаракат қилишини хоҳлардик. Бу борадаги устунлигимиз тўп йўқотилган заҳоти прессингга ўтишимиз эди. Бу ҳаётимда илгари ҳеч қачон бунчалик тез содир бўлмаган. Тўпни йўқотишимиз билан дарҳол тузоқ қўярдик", – деди Алькантара.