Аллегри “Юве”га биринчи олинадиган юлдузни танлади

“Ювентус”нинг янги бош мураббийи Массимилиано Аллегри ишни таркибни шакллантиришдан бошлайдиган бўлди. Тажрибали мутахассис ёзда биринчи бўлиб қайси футболчи олиниши кераклигини белгилаб берди.

Аллегри клуб раҳбариятидан “Манчестер Юнайтед” ярим ҳимоячиси Поль Погбани зудлик билан қайтаришни талаб қилмоқда. Франциялик юлдуз аввал икки  йил давомида италиялик мутахассис қўл остида тўп сурган ва унинг ишончини тўла оқлаган.

Туринликлар тез орада Погбанинг агенти Мино Райола билан музокара бошлашга тайёргарлик кўрмоқда.

Погбанинг манчестерликлар билан битими яна бир йил давом этади. Унинг трансфери 60 миллион еврога баҳоланган. Вариантлар орасида Криштиану Роналду ва Поль Погба рокировкаси ҳам бор.