Аллен: "Бу жангда мен ғалаба қозонган эдим !!!"

UFC нинг ярим енгил вазн тоифасидаги жангчиси Арнольд Аллен(19-3) яқинда Мовсар Евлоев(18-0) билан бўлган жангни яна эслади ва у бу қарама-қаршиликда мағлуб бўлмаганини айтди.

“Ҳамма биринчи ва учинчи босқичда ғалаба қозонганимни айтади. Мен ҳам шундай деб ўйлайман. Биринчи раунддан кейин мен ўйладим: "Аҳа, ғалаба меники". Тўғри, иккинчи раундни бой бериб қўйдим. Аммо учинчи раунд яна меники бўлди. Жуда, жуда хафа! Мен 2024 йилни шундай бошламоқчи эмас эдим. Мен ғалаба қозонишга ҳақли эдим. Мен ёш болалардек қичқиришни ва шикоят қилишни хоҳламайман. Менда Евлоев ва унинг жамоасига нисбатан нафратим ҳам йўқ. Лекин жангни бир неча бор кузатган ҳолда шуни айта оламанки, биринчи ва учинчи раундларда аниқ мен ғалаба қозонгандим", - дея Алленнинг сўзларини келтиради BJ Penn.

Эслатиб ўтамиз, Алленнинг Евлоев билан жанги "UFC 297" доирасида бўлиб ўтган ва унда Мовсар ҳакамларнинг якдил қарорига кўра ғалаба қозонган эди.