Альварес Англия клубларини менсимади, у фақат “Барса”га боради

The Athletic нашри журналисти Давид Орнштейн Мадриднинг “Атлетик”  клуби ҳужумчиси Хулиан Альварес Лондоннинг “Арсенал” клубига ўтишни истамаётгани ҳақида маълумот берди.

Бундан олдин аргентиналик форвард илгари ўзи ўйнаган “Манчестер Сити” чорловини ҳам қабул қилмагани ҳақида хабарлар тарқатилган эди.

Футболчи “Атлетико” раҳбариятининг мазкур трансфер бўйича позициясига қарамай, “Барселона”га ўтишни афзал кўрмоқда.

- Унинг “Арсенал”га ўтиш эҳтимоли катта эмас, чунки у бутун қалби билан “Барселона”га интилаяпти.

“Атлетико” хўжайинлари  “Барселона” учун эшикни ёпди ва бу трансфер амалга ошмайди. Улар “Арсенал” билан келишув тузишлари мумкин, “Арсенал” клублар ўртасидаги келишувга эришишга тайёр. Аммо “Арсенал” футболчининг ўзи ҳам уларга қўшилиш истагини билдиришини хоҳлаяпти. Ҳозирча эса у бундай хоҳиш билдирмаяпти. У Микель Артета билан суҳбатлашди ва “Арсенал”га ўтишни истамаслигини айтди.

У яқин кунларда ўз позициясини юмшатиши мумкинми? Бундай вазиятлар ҳар доим олдиндан айтиб бўлмайдиган ҳолатдир. Шунинг учун шошилинч хулоса чиқариб, бу ҳеч қачон содир бўлмайди, демоқчи эмасман. Аммо ҳозир воқеалар айримлар тахмин қилаётганидек ривожланмаяпти.

Менимча, у “Арсенал”нинг мақсадларидан бири бўлиб қолади. Агар улар уни қўлга кирита олмаса, эҳтимол, мавжуд вариантлардан келиб чиқиб ҳаракат қилишади, - дея Орнштейннинг сўзларини TNT Sports келтирган.