Альварес Англияга қайтишдан бош тортяпти

Испаниянинг “Атлетико” клубида ўйнаётган машҳур ҳужумчи Хулиан Альварес Премьер-лига клубларидан чорлов бўлаётганига қарамай, Англияга қайтишдан бош тортмоқда.

Аввалроқ, The Independent нашри аргентиналик футболчи “Арсенал”га ўтишга очиқ эканлиги ҳақида хабар берган эди.

Бироқ Sky Sports маълумотига кўра, 26 ёшли Хулиан Альварес Англия ёки Францияга кўчиб ўтишни истамаяпти ва шу сабабли “Арсенал” ҳамда ПСЖ вариантларини рад этган.

Альварес оиласи билан Испанияда яшашни хоҳлайди. Шу билан бирга, “Барселона” ҳам уни қўлга киритиш ҳаракатларини тўхтатмаган ва жаҳон чемпионатидан кейин музокараларда олдинга силжишга умид қилмоқда.

Ҳозирда “Барселона”нинг таклифи 100 миллион фунт стерлингдан бироз юқорироқни ташкил этмоқда. Каталония клуби бу суммани 110 миллион фунт стерлинг ва бонуслардан ҳам юқори даражагача оширишга тайёр.