Альварес ўзини "Барса"га жойлолмаган агентни ҳайдаяпти

«Атлетико» Мадрид таркибида тўп сураётган аргентиналик ҳужумчи Хулиан Альварес яқин вақтларда ўз агентларини алмаштириши мумкин. Бу ҳақда Topskills Sports UK маълумот тарқатди.

Манбага кўра, футболчи ёзги трансфер ойнасида юз берган воқеалардан сўнг ўзининг ҳозирги вакили Фернандо Идальго билан ҳамкорликни тугатиш масаласини кўриб чиқмоқда. Эслатиб ўтамиз, ёзда Альварес «Барселона»га ўтишни жуда истаган, аммо «Атлетико» клуби уни қўйиб юбормаган эди.

Хабарга кўра, аргентиналик форварднинг янги агенти сифатида Хавьер Пасторе номзоди кўрилмоқда. Унга тегишли агентликнинг асосий мижози ҳозирча «Манчестер Сити»нинг янги футболчиси Энцо Фернандес ҳисобланади.

Янги мавсумда Хулиан Альварес барча мусобақалар доирасида учта ўйинда майдонга тушиб, бир марта голли пас муаллифи бўлди.