Аморим “Манчестер Юнайтед”га текинга келадиган бешта юлдуз топиб берди

“Манчестер Юнайтед” таркибини жанговар ҳолатга келтириш учун катта ўзгаришлар қилишни бошлаб юборган.

Манчестерликлар бир неча ўйинчи билан хайрлашишга тайёр. Ўзгаришлар қишки трансферлар давридан бошланди. Антони ва Маркус Рэшфорд сингари ўйинчилар ижарага жўнатилди.

Ўз навбатида, клуб мутасаддилари янги ўйинчиларни таклиф этиш баробарида харажатларни камайтириш имкониятини ҳам инобатга оляпти.

Бундан келиб чиқиб, бош мураббий Рубен Аморим эркин агентга айланаётган футболчиларга эътибор қаратиши лозим. Айрим манбаларнинг таъкидлашича, бу мутахассис ёзда шартномаси тугайдиган беш нафар футболчи билан ишлашга тайёр.

“Манчестер Юнайтед” мутасаддилари келаси мавсум олдидан жамоага “Лилль”дан Жонатан Дэвид ва Анхель Гомеш, “Бавария”дан Лерой Сане, “Байер”дан Жонатан Та, “Эвертон”дан  Доминик Калверт-Льюинни олиб келишни режалаштиряпти.

Бу футболчилар мавсум охирида эркин агентга айланиши боис, Европанинг бир неча клублари уларга кўз тикиб турибди.