Аморимнинг гапи “Манчестер Юнайтед” фанатларига ёқмади

“Манчестер Юнайтед” кейинги пайтлардаги энг оғир дамларини бошдан ўтказмоқда. Португалиядан олиб келинган Рубен Аморим ҳам жамоада ижобий бурилиш ясай олмаяпти.

Манчестерликлар янги бош мураббий қўл остида барча турнирларда кетма-кет тўрт маротаба мағлуб бўлди. 2024 йилнинг сўнгги учрашувида “Ньюкасл” футболчилари “Олд Траффорд”дан уч очко олиб кетди.

Рубен Аморим шогирдлари бу кетишда лига қолиш учун курашишга мажбур бўлишини таъкидлади.

- Бу мавсум лигада қолиш учун кураш даври бўлиши мумкинми? Агар мухлисларимизга ростини айтишимиз керак бўлса, шундай ҳолат юзага келиши эҳтимолдан ҳоли эмас. Биз қандайдир ўзгаришлар қилишимиз керак.

Бу мавсум ҳаммамиз учун жуда қийин кечади. Лекин бу бизни янада кучли қилади, чунки курашишни ўрганишимиз керак,  - деди Рубен Аморим.