Ана холос: “Манчестер Юнайтед” Аморимни ҳайдамоқчи

“Спортинг”дан катта умидлар билан олиб келинган Рубен Аморим “Манчестер Юнайтед” кутган маҳоратли мураббий бўлиб чиқмади.

Португалиялик мутахассис клубга келганида бир неча ой бўлганига қарамай, ички муҳитни тўғрилай олгани йўқ. Аксинча, у ҳам жамоа юлдузлари билан зиддиятга борди. Хусусан, клубнинг асосий юлдузи Маркус Рэшфорднинг жамоани тарк этиши айнан унинг ташаббуси ҳисобланади.

Аксига олиб, жамоа ўйинида ижобий ўчиш бўлгани йўқ. “Манчестер Юнайтед” мусобақа жадвалида қуйига шўнғишда давом этмоқда.

Клуб хўжайинлари Аморимга мавсум охиригача имконият беришга қарор қилган. Шу билан бирга мутасаддилари унинг ўрнига бош мураббийликка номзодлар танлашни бошлаб юборди.

Манчестерликларга жамоани яна Европа футболи элитасига қайтарадиган мутахассис керак. Номзодлар орасида Зинедин Зидан ва Маурисио Почеттино вариантлари борлиги айтилмоқда.