Ана холос: Месси махфий келишув тузди!

Лионель Месси клуб раҳбарияти рухсатисиз Саудия Арабистонига бориб келганидан кейин ПСЖ мутасаддилари билан махфий тарзда келишув тузишига тўғри келган, деб хабар тарқатди RMC Sport нашри.

Аргентиналик жаҳон чемпиони Саудия Арабистонининг туризм бўйича элчиси ҳисобланади. Бу мамлакатга ташриф ҳам айнан унинг шартномасидаги мажбурият эди.

Бироқ, парижликлар ички чемпионатда “Лорьян”дан мағлубиятга учрагани учун, дам олиш куни ўрнига машғулот қўйилган. Месси эса, тушунмовчилик сабабли Саудияга кетиб қолган.

Кейинчалик клуб уни икки ҳафтага жамоадан четлатди. Мессининг агентлари  бу масала бўйича клуб раҳбариятига боғланган. Манбанинг таъкидлашича, футболчини яна майдонга қайтариш бўйича айнан ана шу учрашувда махфий келишувни амалга оширишига тўғри келган.

Шундан кейин клуб Мессининг узрини қабул қилиб, уни жамоага қайтаргани айтилмоқда. Шунга қарамай, жаҳон чемпионининг клубдаги келажаги ҳамон мавҳумлигича қолмоқда.