Ана холос! Престианни Мбаппе ва Винисиусни судга бермоқчи

"Бенфика" ярим ҳимоячиси Жанлука Престианни "Реал" ҳужумчилари Килиан Мбаппе ва Винисиус Жуниорга қарши Чемпионлар Лигаси плей-офф босқичи доирасидаги ушбу жамоалар ўртасидаги ўйинда бразилиялик футболчига нисбатан ирқчилик иши бўйича олиб борилаётган тергов фонида даъво қўзғатмоқчи. Бу ҳақда El Chiringuito хабар бермоқда.

Манбага кўра, лиссабонликлар хавбеки бу борада УЕФА, ФИФА, шунингдек, Португалия адлия органларига мурожаат қилмоқчи.

Аввалроқ УЕФА аргентиналик хавбекни вақтинча дисквалификатсия қилганди, ташкилот ушбу вазиятни ўрганмоқда. Қайд этилишича, Престианни футболка билан оғзини ёпиб, Винисиусни ҳақорат қилган, бу эса воқеани таҳлил қилишни қийинлаштиради.