Ana xolos: “Real” Mbappega raqam ajratdi

“Real” rahbariyati PSJ hujumchisi Kilian Mbappega 10-raqamni beradigan bo‘ldi. Bu haqda taniqli jurnalist Santi Auna xabar tarqatdi.

“Qirollik klubi”da ayni paytda 10-raqam ostida “Oltin to‘p” sohibi Luka Modrich o‘ynayapti. Xorvatiyalik yulduzning madridliklar bilan shartnomasi yozda yakunalanadi va katta ehtimol bilan jamoa 38 yoshli futbolchi bilan xayrlashadi.

Kilian Mbappe Parij klubi safida 7-raqamda ishtirok etadi. Frantsiya terma jamoasi safida esa, 25 yoshli forvard 10-raqamni tanlagan.

Evropa matbuoti “Real” rahbariyati Kilian Mbappe bilan dastlabki kelishuvni imzolab bo‘lganini va 2029 yilning yarmigacha davom etadigan bitim joriy yilning  1 iyulidan kuchga kirishi haqida ma’lumot tarqatmoqda.

Shu bilan birga Kilian Mbappe madridliklar taklif qilayotgan maosh uni qoniqtirmayotgani va Angliyaning grand klublari bu vaziyatdan foydalanib qolishga urinayotgani haqida ham xabarlar chiqmoqda.