Ана холос: Текширувда Винисиус камерунлик экани аниқланди...

“Реал” ва Бразилия терма жамоаси юлдузи Винисиус Жуниор ДНК тестини топширди. Текширув натижасида унинг асли келиб чиқиши Камерундан экани аниқланди.

Бразилиялик футболчига текширув натижалари акс этган сертификат расман топширилди.

Винисиус Жуниор 2000 йилнинг 12 июль куни Бразилиянинг Рио-де-Жанейро яқинидаги Сан-Гонсалу шаҳрида туғилган.

24 ёшли футболчи “Фламенго” клуби тарбияланувчиси ҳисобланади. 2018 йили 45 миллион евро эвазига “Реал”га кўчиб ўтган ва шундан бери “Қироллик клуби” шарафини ҳимоя қилиб келмоқда.

Бугунги кунда Transfermarkt портали экспертлари Винисиус Жуниорни 200 миллион еврога баҳоламоқда. У “Реал” сафида уч карра Испания чемпиони бўлган. Шунингдек, икки маротабадан Чемпионлар лигаси, УЕФА Суперкубоги ва клублар ўртасидаги жаҳон чемпионатида зафар қучган.