Анастасия Севастова Юрмалада ғолиб бўлди

Латвиялик Анастасия Севастова ҳамда польшалик Катажина Кава Юрмала шаҳрида ўтказилган мусобақада бош соврин учун куч синашди.

2 соат 9 дақиқа давом этган ўйинда Анастасия 3:6, 7:5, 6:4 ҳисобида рақибидан устун келди ва бош соврин соҳибасига айланди.

Шунингдек, "Baltic Open" бош соврини билан биргаликда Севастова 280 рейтинг очкоси ва 34,677 евро пул мукофотини ҳам қўлга киритди.