Анчелотти: "Беллингемдан жаҳлим чиқди"

Карло Анчелотти Жуд Беллингем билан боғлиқ қизиқарли воқеа ҳақида гапирди. 

"Беллингемдан жаҳлим чиқди. Кеча у менинг қўнғироғимга жавоб бермади, лекин Винисиус қўнғироқ қилганида, дарҳол кўтарди", - деди Анчелотти. 

Жуд "қироллик клуби" сафидаги дебют мавсумида Испания чемпионатида 19 та гол урди. Ўтган ёзда "қаймоқранглилар" англиялик ярим ҳимоячи учун Дортмунднинг "Боруссия"сига 103 миллион евро тўлаганди.

Эслатиб ўтамиз, Жуд Беллингем, Киллиан Мбаппе, Дани Карваҳаль, Чуамени, Камавинга, Ферлан Менди ва Федерико Вальверде дам олишда. Улар 7 август куни жамоа сафига қўшилиб 15 август куни бўлиб ўтадиган УEФА Суперкубоги учун тайёргарлик кўришади.