Анчелотти: "Бугунги учрашувда бизга совуққонлик етишмади"

Европа чемпионлар лигаси 1/8 финалидан ўрин олган "Реал" - "Лейпциг" учрашуви бўлиб ўтди ва унда 1:1 ҳисоби қайд этилди. 

Дастлаб, Винисиус ҳисобни очган бўлса, орадан кўп ўтмай Орбан имкониятларни тенглаштириб қўйди. Беллашувдан сўнг Карло Анчелотти матбуот анжуманида ўйин ҳақида ўз фикрларини билдириб ўтди.

"Жуда қийин ўйин бўлди, биз ёмон ўйнадик. Бугун бизга совуққонлик етишмади. Бундан ташқари ўйинимиз қовушмаганига футболчилар руҳий босимда ҳаракат қилди.

Йўқотадиган ҳеч нарсаси йўқ маҳоратли рақибга қарши ўйнадик. Бошиданоқ муаммоларга дуч келдик, қийналдик, лекин асосийси чорак финалга чиқиш эди ва биз буни уддаладик. "Челси" билан уй учрашувида ҳам шундай бўлган эди", - деди италиялик мутахассис.