Анчелотти “фантастик тўртлик” – Мбаппе, Винисиус, Беллингем ва Родригонинг “пўстагини қоқди”

“Реал” бош  мураббийи Карло Анчелотти Испания чемпионати доирасида “Атлетико”га қарши ўтказилган учрашувдан кейин жамоасининг ҳужум чизиғидаги тўрт футболчига жиддий эътирозларини билдирди.

- Кийим алмаштириш хонасида италиялик мураббий Мадридд “фантастик тўртлик” номини олган ҳужум чизиғи вакилларидан Килиан Мбаппе, Жуд Беллингем, Винисиус Жуниор ва Родриго Гоэсга заҳрини сочди, - деб ёзди Footmercato нашри.

Манбага кўра, Анчелотти бу футболчилар кейинги пайтда ўйин давомида ўзларига нисбатан анча қулай позицияда турган жамоадошларига эътибор қаратмай, индивидуал маҳоратини намойиш қилишга киришиб кетганидан кескин норози бўлмоқда.

Шунингдек, бош мураббийги олдинги чизиқ вакилларининг ҳимоя ёрдам бермаётгани, ортга қайтган тақдирда ҳам жуда секин аракат қилаётгани ёқмаган.

Карло Анчелотти агар “Реал” юлдузлари унинг эътирозларидан кейин вазиятни яхшиламаса, таркибда жиддий ўзгаришлар бўлишини таъкидлади.