Анчелотти: "Гвардиола энг яхшиларидан бири, балки..."

"Реал Мадрид" клуби бош мураббийи Карло Анчелотти "Манчестер Сити" мураббийи Хосеп Гвардиола ҳақида фикр билдирди.

- Гвардиола жамоасига қарши ўйнаш ҳар доим қийинчилик туғдиради. Пеп доим янги тактика ва инновацияларни қўллашга интилади.

Мен уни жуда ҳурмат қиламан, у энг яхшилардан бири. Балки, энг яхшисидир, - деди "Қироллик клуби" устози.

Эслатиб ўтамиз, "Реал" Чемпионлар Лигаси плей-офф босқичининг биринчи босқичи доирасида "Манчестер Сити"га майдонида меҳмон бўлади.