Анчелотти “Реал”дан қачон кетмоқчи?

“Реал”ни катта муваффақиятлар сари етаклаётган Карло Анчелотти клубдан қачон кетиши мумкинлигига ойдинлик киритди.

- Ҳозирча, мен қачон тўхтатишимни билмайман. Балки “Реал” мендан зерикканида жамоани тарк этарман. Ўшанда нима қилишни, қаерга боришни ўйлаб кўраман.

Аниғи шуки, терма жамоалар билан ишлашга муносабатим салбий. Мен ҳар куни ишлаб ўрганганман ва менга шуниси маъқул.

Мен ўзим шуғуллантирган жамоалар орасида “Реал” ва “Милан”га бошқаларига қараганда кўпроқ боғланиб қолганман, - деди Карло Анчелотти.

Карло Анчелотти кучли бешлик чемпионатларидаги мураббийлик фаолиятини 1996 йилда “Парма”ни бошқаришдан бошлаган. “Реал”гача италиялик мутахассис “Ювентус”, “Милан”, “Челси”, “Пари Сен-Жермен”, “Бавария”, “Наполи” ва “Эвертон”да ишлаган.