Анчелотти "Сити"га қарши кутилмаган ўзгаришга қўл урмоқчи

Карло Анчелотти "Манчестер Сити"га қарши беллашувда ўнг қанот ҳимояда Ферлан Мендини синаб кўрмоқчи. 
 
Хабарингиз бор, УЕФА Чемпионлар лигасининг плей-офф босқичида Карло бошчилигидаги "Реал Мадрид" "Манчестер Сити" билан куч синашади. 

Ушбу баҳсдан аввал "қироллик клуби"нинг ўнг қанот ҳимоячиси ҳисобланган Лукас Васкес жароҳат олиб, ўйинни ўтказиб юбориши ҳақида хабар берилган. Ундан аввал эса Дани Карвахаль, Эдер Милитао, Давид Алаба, Антонио Рюдигер каби ҳимоячилар ҳам мазкур учрашувда иштирок эта олмаслиги маълум бўлган эди. Бир неча машҳур манбалар "Сити"га қарши тўқнашувда уругвайлик ярим ҳимоячи Федерико Вальверде қанот ҳимояда ҳаракат қилиши тахмин қилаётган эди. 
 
Бироқ, "Madrid Xtra" нашрининг маълумотига кўра, ўйиндан аввалги сўнгги машғулотда италиялик мутахассиc франциялик ҳимоячи ҳисобланган Ферлан Мендини ўнг қанот ҳимояда ҳаракатлантириб кўрган. Шу боис, Анчелотти ўйиндан аввал кутилмаган ўзгариш амалга ошириши мумкинлиги ҳақида хабарлар тарқалмоқда.