Анчелоттига “Реал”да қолиш шарти айтилди

“Реал” бош мураббийи Карло Анчелоттининг клуб билан амалдаги шартномаси 2026 йилнинг ёзигача давом этиши белгиланган.

Бироқ бу италиялик мутахассиснинг жамоа бошқарувидаги ўрни кафолатланган, дегани эмас.

Relevo нашрининг маълум қилишича, ҳозирча клуб хўжайинларида тажрибали мураббийдан воз кечиш истаги йўқ. Лекин бу масала жамоанинг жорий мавсумни қандай якунлашига боғлиқ бўлади.

Манбага кўра, агар “Реал” бу йил Испания чемпионати ёки Европа Чемпионлар лигасида ғолиб чиқадиган бўлса, Анчелотти шартномасининг охиригача ўз вазифасини бажариш учун қолади.

Бироқ жамоа кутилган натижани қайд эта олмаса, раҳбарият бош мураббийни лавозимдан истеъфога чиқариб юбориши эътимоли катта.