"Андижон" халқаро ўртоқлик учрашувида майдонга тушади

Айни пайтда ФИФА кунлари бошланганлиги муносабати билан чемпионатда ҳам кичик танаффус юзага келганлигини яхши биласиз. “Андижон” эса 19 март санасидан бошлаб ўз қароргоҳида кейинги турда бўлиб ўтадиган “Насаф”га қарши ўйин учун тайёргарликка киришган. 

Мазкур учрашув 30 март куни бўлиб ўтади. Ушбу ўйингача бироз муддат борлиги учун орада ўртоқлик учрашуви ўтказилиши режалаштирилган. Шунинг асносида “Андижон” 23 март куни “Бобур Арена”да Қирғизистон U20 терма жамоасига қарши майдонга тушади. Беллашув соат 16:00 да бошланади.

“Андижон” матбуот хизмати.