"Андижон" янги трансферни эълон қилди
“Мавсум-2026” учун ҳар томонлама пухта тайёргарлик кўраётган "Андижон" селекция ишларини ҳам давом эттирмоқда.
Клуб матбуот хизматининг хабар беришича, “Андижон”нинг Анталиядаги йиғинига янги футболчи - Маҳмуд Маҳамаджонов қўшилди. Ушбу футболчи билан уч йилга мўлжалланган шартнома имзоланди.
Маҳамаджонов 2003 йилнинг 30 июнь санасида таваллуд топган. Бунга қадар у “Бунёдкор”, “Пахтакор” ва “Динамо”да тўп сурган. Ўтган йилги мавсумнинг иккинчи даврасини ижара асосида айнан “Динамо”да ўтказган.
Умумий ҳисобда ҳимоячи 80 та ўйинда майдонга тушган ва 3 та гол уриб, 6 та ассистни амалга оширган.
Маҳамаджонов 2023 йили U20 терма жамоамиз билан Осиё чемпионлигини қўлга киритган.
Фикрлар