"Андижон"ни тарк этган футболчи "Бухоро"га қўшилди

Яқинда ярим ҳимоячи Жаҳонгир Абдумўминовни “Андижон” машғулотларида иштирок этмаётгани хусусида хабар бергандик. Афтидан, футболчи жамоани тарк этган кўринади.

Боиси, у ҳозирги пайтда “Бухоро”нинг машғулотларида иштирок этаётгани маълум бўлди. Бухороликлар устози Жамшид Саидов “Андижон”да ишлаган чоғида, аниқроғи жорий мавсум аввалида айнан Абдумўминов ҳам клубга таклиф этилганди. Кўриб турганингиздек, улар энди “Бухоро”да ҳам бирга ҳамкорлик қилишмоқчи.