Андрей Сидоров энг яхши деб топилди (фото)

Кеча Тожикистон чемпионатида 1-тур ўйинлари бўлиб ўтди. Ҳамюртимиз Нодирбек Ибрагимов фаолият олиб борадиган "ЦСКА-Помир" жамоаси ўз майдонида Маъмур Икромов, Санжар Рихсибоев ва Андрей Сидоров тўп тепадиган "Хўжанд"ни қабул қилди.

Қизиқарли ва голларга бой тарзда кечган беллашувда меҳмонлар 3:1 ҳисобидаги ишончли ғалабани қўлга киритди. Эътиборлиси, "Хўжанд" жамоасининг илк голига айнан юртдошимиз Андрей Сидоров муаллифлик қилди. Бундан ташқари, Сидоров яна бир голга ҳам ассистентлик қилди.

Шу тариқа, иқтидорли футболчи "ЦСКА-Помир" -  "Хўжанд" (1:3) баҳсининг энг яхши футболчиси, деб топилди.