Англия кубоги. 3 та қизил карточка кўрсатилган ўйинда МЮ камбэк амалга ошириб, ғалаба қозонди

Англия кубогининг чорак финалидан ўрин олган "Манчестер Юнайтед" - "Фулхэм" тўқнашуви бўлиб ўтди. Ўйин мезбонларнинг 3:1 ҳисобидаги ғалабаси билан тугади. 

50-дақиқада Митрович де Хеа дарвозасини ишғол қилди. 72-дақиқада Митрович ва Виллиан қизил карточка олиб, майдонни тарк этди ва меҳмонлар 9 киши бўлиб қолди. Бундан ташқари, лондонликларнинг бош мураббийи Марко Силва ҳам четлатилди. Шундан сўнг, МЮ 3 та гол уриб, ғалабани илиб кетди. 

Шу тариқа, "қизил иблислар" Англия кубогининг ярим финалига йўл олди.