Англияда истеъфо юз берди

"Борнмут" клуби расмий матбуот-хизмати бош мураббийи Жейсон Тиндалл истеъфога чиқарилгани ҳақида хабар бермоқда.

Инглиз клуби раҳбарияти ушбу қарорни жамоанинг чемпионшипдаги натижаларини таҳлил қилиб чиққанидан сўнг қабул қилган. Айни дамда мавсумнинг қолган қисмида клубни ким бошқариши номаълум.

43 ёшли мутахассис 2012 йилдан буён мураббий ёрдамчиси, 2020 йил августидан бошлаб, бош мураббий сифатида ишлаб келаётган эди.

Жорий мавсумда "Борнмут" чемпионшипда 42 очко тўплади ва турнир жадвали етакчиси "Норвич"дан 13 очко ортда қолмоқда.

Фикрлар

Фикр қолдириш учун авторизациядан ўтинг!