Англияда яна бир истеъфо “пишяпти”

2026 йилнинг дастлабки кунлари Англия Премьер-лигасининг икки клубида бош мураббийлар истеъфога чиқарилди.

Дастлаб, “Челси” италиялик мутахассис Энцо Марескани ишдан олган бўлса, бир неча кундан кейин “Манчестер Юнайтед” португалиялик мураббий Руьен Аморим билан хайрлашди.

Энди “Ньюкасл” бош мураббий Эдди Хаунинг курсиси қимирлаб қолган. Клуб хўжайинлари уни жорий мавсум якунланганидан кейин истеъфога чиқармоқчи.

Бу ҳақда Indykaila News нашри хабар бермоқда.

Манба маълумотига кўра, жамоанинг бу мавсумдаги  натижалари барқарор эмаслиги туфайли Хаунинг клубдаги келажаги хавф остида. Чемпионат тугагунча ҳеч қандай ўзгариш режалаштирилмаган, бироқ ёзда раҳбарият 2021 йилдан бери ишлаб келаётган мураббий иши бўйича кенг қамровли таҳлил ўтказади.