Англиядаги техникаси энг зўр футболчи ким экани маълум бўлди

“Манчестер Сити”даги оғир мавсумлардан кейин “Эвертон”га ўтиши билан ишлари юришиб кетган Жек Грилиш Англия Премьер-лигасидаги техникаси энг кучли футболчи ким эканини айтди.

Англиялик футболчи ўзи билан бир жамоада ўйнаётган Илимана Ндиайенинг маҳорати ўта кучли эканини таъкидлади.

-   Ндиайе — Премьер-лигадаги техникаси энг зўр футболчи. Агар соф маҳорат ҳақида гапирадиган бўлсак, шубҳасиз, шундай.

Масалан, “Арсенал”даги Букайо Сака ҳам жуда яхши ўйинчи, у дунёдаги энг зўр вингерлардан бири. Аммо унинг техникаси кучли эмас, - деди Грилиш Goal нашрига берган интервьюсида.

Жорий мавсумда сенегаллик Ндиайе барча мусобақаларда 18 та ўйинда қатнашиб, 4 та гол ва 2 та голли узатма муаллифи бўлди.