Анри: «Биз кучлироқ Испанияни кўрамиз»

Яқинда Испания миллий жамоаси жаҳон чемпионатида дебют қилаётган Кабо-Верде терма жамоасига қарши кутилмаган дуранг қайд этди –  0:0 ҳисобида. Биринчи туридаги ушбу натижа футбол жамоатчилигида катта муҳокамага сабаб бўлди. Мавзу юзасидан ўз фикрларини ўтмишдаги машҳур француз футболчиси Тьерри Анри билдирди.
 

«Бу ерга жуда кўп истеъдодли футболчилар келган, уларга эса майдондаги дақиқалар ва ишонч керак. Испаниянинг янада кучли ўйинини кўрамиз, мен бунга ишонаман. Бу фақат битта ўйин, холос», – дея Анрининг сўзларини AS нашри келтиради.
 

21 июнь куни  Луис де ла Фуэнте бошчилигидаги Испания терма жамоаси Саудия Арабистонига қарши майдонга тушади. Саудия терма жамоаси Уругвайга қарши учрашувда ҳам дурангга эришган эди.
 

Эслатиб ўтамиз, АҚШ, Мексика ва Канада мезбонлик қилаётган жаҳон чемпионатига Испания амалдаги Европа чемпиони сифатида етиб келган.