Анвар Бойназаровнинг навбатдаги жанг санаси ва рақиби маълум!

Ўзбекистонлик таниқли яккакураш устаси Анвар Бойназаровнинг навбатдаги жанг санаси ва рақиби маълум бўлди. У 30 август куни АҚШнинг Аризона штатида UFL промоушенида жанг қилади. Рақиб бразилиялик Жаксон Санта Круз (7-4) бўлади. Юртдошимиз узоқ йиллик профессионал муайтайдаги фаолиятидан кейин ММАда ҳам ўзини синаб кўраётганди. У Дана Уайт контендер сериясида ҳам октагонга кўтарилганди. Бироқ, унда мағлубиятга учраб, UFCга чиқиш имкониятини қўлдан чиқарганди. Ҳозирда Бойназаров АҚШнинг бир қатор лигаларида ўз жангларини ўтказмоқда. 
Маълумот учун, Бойназаров ММАда ҳозирга қадар 9 та жанг ўтказди ва уларнинг 6 тасида ғалаба қозонган.