АПЛ. Драматик кечган ўйинда “Ливерпуль” очко йўқотди

АПЛнинг 20-тур учрашувлари давом эттирилди.

Лондонда бўлиб ўтган баҳсда “Фулхэм” “Ливерпуль”ни қабул қилиб, жанговар дурангга имзо чекди. Ўйиннинг 17-дақиқасида Харри Уильсон гол уриб мезбонларни ҳисобда олдинга олиб чиқди. 57-дақиқада Флориан Вирц мувозанатни тиклади 1:1. Асосий вақтга қўшиб берилган 4-дақиқада Гакпо “қизиллар”ни ҳисобда олдинга олиб чиққан бўлса, орадан 3 дақиқа ўтиб, Харрисон Рид супер голи билан ҳисобни тенглаштирди. Ўйин якунигача ҳисоб бошқа ўзгармади ва ҳар икки жамоа ҳам ҳисобига 1 очкодан қўшиб қўйди.