АПЛ клуби янги мураббийни таништирди

Роб Эдвардс расман "Вулверхэмптон"нинг янги бош мураббийига айланди. 42 ёшли мутахассиснинг тайинлангани ҳақида "бўрилар" матбуот хизмати хабар берди.

Эдвардснинг сўнгги клуби ҳозирча "Мидлсбро" эди. Аввалроқ у уч йил давомида "Лутон Таун"ни бошқарган ва у билан АПЛга йўл олганди. Эдвардс 2016 ва 2018-2019 йилларда "Вулверхэмптон" тизимида ишлаган.

Эслатиб ўтамиз, "бўрилар" айни дамда АПЛнинг асосий аутсайдери бўлиб турибди. Клуб жорий мавсумда ҳамон ғалаба қозона олмаяпти, очколар сони бор-йўғи иккита, еттита гол ва 25 та ўтказиб юборилган гол. 17-ўриндан саккиз очко ортда қолмоқда.