АПЛ. Март ойининг энг яхши футболчиси аниқланди

Англия Премьер-лигасининг март ойидаги энг яхши футболчиси номи эълон қилинди.

Унга кўра, "Фулхэм" ҳужумчиси Родриго Мунис ушбу совринни қўлга киритди. Март ойида 22 ёшли бразилиялик Англия чемпионатининг тўртта ўйинида қатнашиб, учта гол урди. Ортда қолган 32 турдан сўнг Лондон клуби 39 очко билан АПЛ турнир жадвалида 13-ўринни эгаллаб турибди.

Маълумот учун, "Фулхэм" навбатдаги учрашувини АПЛнинг 33-тури доирасида сафарда "Вест Хэм"га қарши ўтказади. Ҳакамнинг старт ҳуштаги Тошкент вақти билан 18:00 да янграйди.