APL. Xatolar, qizil kartochka va avtogol. "Arsenal" o‘z maydonida "Liverpul"ni taslim qildi

APLning 23-turida "Liverpul" "Arsenal" mehmoni bo‘lib, 3:1 hisobida mag‘lub bo‘ldi. 

Dastlab, Saka hisobni ochgan bo‘lsa, birinchi taym so‘nggida Gabriel o‘z darvozasin ishg‘ol qilib qo‘ydi. Shundan so‘ng Martinelli Alissonning xatosi orqali jamoasini oldinga olib chiqdi. 88-daqiqada esa Konate qizil kartochka olib, maydonni tark etdi. Qo‘shib berilgan daqiqalarda Trossard o‘yinga nuqtani qo‘ydi. 

Ushbu g‘alabadan keyin "kanonirlar" "Liverpul"ga yaqinlashib oldi. Klublar orasidagi farq 2 ochkoni tashkil qilmoqda.