Асосий мазмунга ўтиш
Футбол

АПЛнинг топ 6 клуби бир ҳужумчини талашмоқда

Bilolbek Imomov
Изоҳлар: 0

Футболчи учун кураш авжида

"Ньюкасл" "Манчестер Юнайтед", "Тоттенхэм", "Вест Хэм", "Челси" ва "Ливерпул" қаторига қўшилиб, "Лилль" ҳужумчиси Жонатан Дэвид билан шартнома имзолашга қизиқиш билдирмоқда. 
 
"The i Paper" нашрининг хабарига кўра, ушбу олти клуб аллақачон футболчининг вакиллари билан боғланган ва у учун "Барселона", "Атлетико Мадрид", "Интер" ҳамда "Ювентус" билан рақобат қилишига тўғри келади. 
 
Канада терма жамоаси форварди ушбу мавсумда ҳам ўзининг самарали ўйинларини давом эттирмоқда. У Лига 1нинг тўпурарлар рўйхатида 14 гол билан учинчи ўринда бормоқда, шунингдек, Чемпионлар Лигасида ҳам 9 марта рақиб дарвозасини ишғол қилган. 
 
Дэвид "Лилль"да беш йилдан буён тўп сурган бўлса-да, клуб билан шартномасини узайтирмасликни ўйламоқда. Манбаларга кўра, у Францияда ўзини етарлича синаб кўрди ва фаолиятини янги босқичга олиб чиқмоқчи. Шу боис, келаётган ёзда эркин агент сифатида янги жамоага ўтиши кутилмоқда.

Улашиш
SPORTS.uz'нинг Telegram'даги каналига аъзо бўлинг!

Изоҳлар (0)

Ҳозирча изоҳлар йўқ