Арбелоа испаниялик футболчиларнинг ўйинидан мамнун қолди

"Реал" мураббийи Альваро Арбелоа Ла Лигада “Севилья”га қарши кечган учрашувдан кейин жамоадаги испаниялик футболчиларнинг ҳаракатларига юқори баҳо берди.

"Уларнинг барчаси яхши ўйин кўрсатди. Тўрт нафар ажойиб футболчи. “Реал” ҳар доим энг яхши испаниялик ўйинчилар билан машҳур бўлган.

Дин Хауйсен ажойиб ўйин ўтказди. Карвахаль 90 дақиқа давомида юқори савияда ва ишончли ҳаракат қилди. Тьяго Питарч ҳам ҳар доимгидек жамоага фойда келтирди. Фран Гарсия ҳақида ҳам фақат яхши фикр айта оламан.

Гонсало ва Рауль Асенсио бугун ўйнамади. Бизда испаниялик футболчиларнинг жуда кучли таркиби бор. Уларнинг кўпчилиги ёш ва катта келажакка эга. Улар “Реал”да эканидан жуда хурсандмиз", — деди Арбелоа.