Арда Гюлер ўз келажаги бўйича муҳим қарор қабул қилди

«Реал» ярим ҳимоячиси Арда Гюлер ўз келажаги борасида қарор қабул қилди. Унга Англиянинг етакчи жамоалари — «Манчестер Сити» ва «Арсенал»дан жиддий қизиқиш бўлган, аммо туркиялик футболчи Мадрид клубида қолишни маъқул кўрди.

TeamTALK нашри хабарига кўра, Гюлер «Реал» билан 2031 йилгача мўлжалланган янги шартнома бўйича келишувга эришган. Ҳозирги амалдаги битим эса 2029 йилгача давом этади.

Маълумотларга қараганда, дастлаб Арда Англия премьер-лигасининг бир қатор етакчи жамоалари билан музокаралар олиб борган. Бироқ кейинроқ Жозе Моуриньонинг жамоага келиши вазиятни ўзгартирди: мураббий унга мунтазам ўйин амалиёти ва тўлиқ ишонч ваъда қилган.

Шундан сўнг Гюлер барча бошқа вариантлардан воз кечиб, «Реал»да қолиш ва Моуриньо қўл остида ўзини намоён этишга қарор қилган.