Аргентина дан яна бир тарихий рекорд!

Аргентина терма жамоаси жаҳон чемпиони бўлди. Қатар турнири финалида Лионель Месси жамоадошлари ўйиндан кейинги пенальтилар сериясида Франция устидан ғалаба қозонишди.

Маълум бўлишича, бу Аргентина терма жамоасининг жаҳон чемпионатларидаги пенальтилар сериясида қозонган олтинчи ғалабаси бўлди. Бу эса мундиаллар тарихидаги янги рекорд ҳисобланади. Бунгача ҳеч бир жамоа жаҳон чемпионати учрашувларида пенальтилар сериясида бунчалик кўп ғалаба қозонмаган.

Бундан ташқари, Аргентина пенальтилар сериясидан сўнг чемпионликни қўлга киритган учинчи жамоа бўлди. Бундай ғолибликни биринчи бўлиб 1994 йилда Бразилия термаси, иккинчиси марта эса 2006 йилда Италия терма жамоаси қўлга киритган.